കടമത്ത് : ലക്ഷദ്വീപിലെ കടമത്ത് സുന്നി സുറ്റുഡന്റ്സ് ഫെഡറേഷനു കീഴില്‍ കുണ്ടൂര്‍ഉസ്താദ് ഉറൂസ്മുബാറക്കും “സ്വലാത്ത്ദുആമജ്ലിസും” വന്‍ വിപുലമായി നടന്നു . സയ്യിദ് മുഹമ്മദ് ഇസ്ഹാഖ് (കൊന്നാര) തങ്ങള്‍ സ്വലാത്ത് ദുആ മജ്ലിസിന് നേതൃത്ത്വം നല്‍കി. മദീനാനഗറിലും കുണ്ടൂര്‍ ഉസ്താദ്നഗറിലുമായി ആണ് പരിപാടികള്‍ നടന്നത് . ജനുവരി 25 ന് നടന്ന കുണ്ടൂര്‍ഉസ്താദ് അനുസ്മരണയോഗത്തില്‍ കേരളാ സ്റ്റേറ്റ് മുന്‍ എസ്. എസ്.എഫ് പ്രസിഡന്റും കൊല്ലം ഖാദിസിയാ ജനറല്‍സെക്രടറിയുമായ ഡോ: മുഹമ്മദ്കുഞ്ഞു സഖാഫി മുഖ്യപ്രഭാഷണം നടത്തി. ആശിഖേ റസൂല്‍ കുണ്ടൂര്‍ഉസ്താദിന്റെ ബഹുമുഖ വ്യക്തിത്വത്തെകുറിച്ചും പ്രവാചകസ്നേഹത്തെ കുറിച്ചും മണിക്കൂറുകള്‍ നീണ്ടുനിന്ന പ്രഭാഷണം ശ്രവിക്കാന്‍ നാടിന്റെ വിവിധ ഭാഗങ്ങളില്‍നിന്നെത്തിയ വിശ്വാസികളാല്‍കുണ്ടൂര്‍ ഉസ്താദ്നഗറും പരിസരവും നിറഞ്ഞ് കവിഞ്ഞു. ചടങ്ങില്‍ എസ്. എസ്.എഫ് പ്രസിഡന്റ് അബ്ദുറഹ്മാന്‍ സഖാഫി അധ്യക്ഷത വഹിച്ചു. ബിസി ഹാമിദ്മദനി, ഷമീര്‍ അഷ്റഫി ,സൈദ്മുഹമ്മദ്മുസലിയാര്‍, ബഷീര്‍സഖാഫി, ഉബൈദ്റബ്ബാനി, തുടങ്ങിയവര്‍ ചടങ്ങില്‍ പങ്കെടുത്തു. ചടങ്ങിന് എസ്. എസ്.എഫ് സെക്രടറി അബ്ദുല്‍ ഗഫൂര്‍ സ്വാഗതവും , മുനീര്‍ ജൌഹരി നന്ദിയും പറഞ്ഞു. തുടര്‍ന്ന് യാസീന്‍ പാരായണവും അന്നദാനവിതരണവും നടന്നു.
